वैदेशिक रोजगारमा जाने कामदारको सुरक्षा ग्यारेन्टी गर: प्रधानमन्त्री देउवा

असार ३०, २०७४ प्रधानमन्त्री शेरबहादुर देउवाले वैदेशिक रोजगारीमा जाने कामदारको सुरक्षा ग्यारेन्टीका लागि व्यवसायीलाई आग्रह गर्नु भएको छ । नेपाल वैदेशिक रोजगार व्यवसायी संघको २५ औं साधरणसभा उद्घाटन गर्दै प्रधानमन्त्री देउवाले विदेशको श्रमबजारमा नेपाली कामदार पठाउनु पर्ने बाध्यता भएपनि कामदारको शारिरिक तथा आर्थिक, सामाजिक सुरक्षा आबश्यक रहेको बताउनुभयो । उहाँले भन्नुभयो –कसैको काल नै आउँदैन भन्ने छैन तर वैदेशिक रोजगारमा गएका हाम्रा नागरिकको एयरपोर्टमा लास आउने गरेको छ यस विषयमा गम्भिर हुन आबश्यक छ । प्रधानमन्त्री देउवाले व्यवसायीका समस्या समधान गर्न सरकार तयार रहेको बताउँदै वैदेशिक रोजगारमा जाने कामदारको सुरक्षा ग्यारेन्टी आबश्यक रहेको उल्लेख गर्नुभयो ।  यसैबीच संघका अध्यक्ष विमल ढकालले वैदेशिक रोजगारीमा देखिएको सिन्डिकेट तोड्नका लागि सरकारको ध्यानकर्षण गराउनुभयो । उहाँले मलेशिया लगायतका केही मुलुकमा सिमित कम्पनिलाई मात्रै जिम्मा दिनु उचित नभएको बताउनुभयो । संघको २५ औं साधारणसभाले नयाँ नेतृत्व चयन गर्नेछ ।